|
(الدواسر) 1/1/1429هـ
الزمان: مساء الخميس 1/1/1429هـ *المكان: الفحيحيل ( الكويت ) المناسبة:( ملتقى القبيلة الثالث ) * * * *
مافيه شك إن كل رجل لسانه=لاجت مواقيف الرجال حصانه كلن تجي الابيات من منظوره=والمستمع قدامها بآذانه شاعر له الجمهور يسمع منصت=وأهل الجزيل تقول: صح لسانه وشاعر يجي ويروح محدن يمه=ماله لزوم ولالشعره خانه السوق حامي والبضايع واجد=بس الذهب يفرق بزود أثمانه والتاجر اللي مايجيب الغالي=ليته قعد وارتاح في دكانه الشعر ديوان العرب من مبطي=لكن وضعه في زمنــّا هانه أول مع الفرّيس واهل الحكمة=فرايدٍ لايومنا رنانه واليوم موضه من حساب الموضه=عاثوا بعرشه قوم يالادانه وظيفة اللي مالقى له شغلة=كلن على ليلاه جرّ ألحانه وأكيد ماللذوق وأهله حاجة=في بيت شعر(ن) ماتعز أركانه وقصيدة(ن) تنظم بليا معنى=سحاب صيف(ن) ماتخال أمزانه وفي ليلة(ن) رفعت راسي فيها=اخترت من سوق القصيد اسمانه نوادر(ن) ماسقتها لسواكم=يامستقر الطيب ياشيخانه نوادر(ن) باسم الدواسر توسم=وبأذكارهم وامجادهم مزدانه من شاعر(ن) لااستل كلن شعره=الخيل خيله والسنان سنانه اليوم خيل الشعر له روضها=وأمس(ن) تهاب الخيل من جدانه حقايق(ن) ماهي سوالف مجلس=ياجاهل التاريخ.. عانه...عانه يقمح صبي(ن) ماوقف موقفهم=ويقمح حفيد الجود لامن خانه سلام ياهل العز ياهل الهيبة=ياهامة التمجيد ياعنوانه سلام ياربعي عصابة راسي=يانصرة المضيوم خير أعوانه يامكرمين الضيف ياعز الخوي=يامهملين الجار ياصـوّانه دواسر(ن) وسلومنا شاهدنا=....بين الرجال وكل رجال وشانه دواسر(ن) ماتنحني هامتنا=إلا خضوع لربنا سبحانه دواسر(ن) لاعال عايل علْنا=ولاذاق سطوتنا لعن شيطانه وساع(ن) مضاربنا وخطلن يدينا=وياويل منهو حطنا ديانه حنا هل الهومات ياجاهلنا=سور البلاد موسعة حدانه تاريخنا مهوب توه يبدا=سبعة قرون تشع في ديوانه سبعة قرون وكل قرن(ن) شاهد=أرض العرب بامجادنا رويانه أرض(ن) سكنـّاها ونعم المسكن=ولاهيب ترضى غيرنا سكانه سيل(ن) تحدر من حدود الوادي=برقه سيوف... وهيجنا ودّانه حتى ملكنا أغلى المداين عنوة=والمُلك يثبت دامنا سيسانه لكن: ياهل العز واهل الطالة=وش ينفع الرجال: كانه... كانه من كان ورثه من جدوده ثروة=لازم يصون المال هو واخوانه مادام هذي هي فعايل جدودنا=كلن يحط الطايلة نيشانه هذي يميني حطها بيمينك=رجل(ن) يشيد وصاحبه بوزانه وش صار قبل شهور في نشرتنا=وبموجز الاخبار بان إعلانه تباشرت كل البلاد بشوفه=وكلن يلد لدارنا بأعيانه واليوم ماله حس ماله طاري=تكفون ياهل المجد ياتيجانه تكفون لايفرح علينا حاسد=تكفون ياهل الحق ياميزانه وتكفى يامير الجود راس الشيخة=ياعز نجد وهيبته سلطانه سلمان لاكبرت بنجد(ن) قاله=الله يخلي لنجدنا سلمانه حر(ن) شهر كلن يعرف وصوفه=وتشرّ به للكايدة جنحانه سلمان تكفى مالها إلا نادر=يالول فعل الطيب يامرجانه واليوم يوم الشعر مهوب أمسه=أطلقت من جزل القصيد عنانه نوادر(ن) ماسقتها لسواكم=يامستقر الطيب ياعنوانه والتاجر اللي مايجيب الغالي=قوموا عليه وسكروا دكانه! |
رد: (الدواسر) 1/1/1429هـ
سلمان لاكبرت بنجـد(ن) قالـه
الله يخلـي لنجـدنـا سلمـانـه حر(ن) شهر كلن يعرف وصوفه وتشـرّ بـه للكايـدة جنحانـه الحقيقه قصيده معبره وجميله اشكرك عليها وصح لسانك |
رد: (الدواسر) 1/1/1429هـ
صح الله لساااااااااااااااانك
وبيض الله وجهــــــــــــك تقبل خالص ودي |
رد: (الدواسر) 1/1/1429هـ
والتاجر اللـي مايجيـب الغالـي=قوموا عليـه وسكـروا دكانـه!
اشهد بالله انك شاعر وتجيب الغالي الله يبيض وجهك ويصح السانك |
رد: (الدواسر) 1/1/1429هـ
|
رد: (الدواسر) 1/1/1429هـ
صح الله لسانك وبيض الله وجهك على القصيدة الجزله والجزل مايجي الا من رجال جزل
مثلك يا ابو مسرع .. وننتظر كل جديدك |
رد: (الدواسر) 1/1/1429هـ
دواسـر(ن) ماتنحنـي هامتنـا=إلا خضـوع لربنـا سبحـانـه دواسر(ن) لاعـال عايـل علْنـا=ولاذاق سطوتنا لعـن شيطانـه وساع(ن) مضاربنا وخطلن يدينا=وياويـل منهـو حطنـا ديانـه حنـا هـل الهومـات ياجاهلنـا=سـور البـلاد موسعـة حدانـه تاريخنـا مهـوب تـوه يـبـدا=سبعة قرون تشـع فـي ديوانـه سبعة قرون وكل قرن(ن) شاهـد=أرض العرب بامجادنـا رويانـه صـــــــــــــــــــح لسانك يابن مســـــــــرع وبيض الله وجهك |
رد: (الدواسر) 1/1/1429هـ
اليوم خيل الشعـر لـه روضهـا
وأمس(ن) تهاب الخيل من جدانه الشاعر الكبير الشامخ ابومسرع صح الله لسانك مدد مهوب عدد على القصيدة الرائعه والشامخة بشموخ راعيها وبشموخ المذكورين فيها والتي تشرفنا بسماعها منكم في الحفل الأخير ونالت استحسان واعجاب الحضور حيث انها تناولت كل مايجول في خاطرنا . وبيض الله وجهك يابومسرع وما شاء الله عليك مبدع مبدع مبدع تقبل خالص تحياتي وتقديري ،، |
رد: (الدواسر) 1/1/1429هـ
الشاعر الشامخ صح السانك على هذه الشامخه والتــي تشرفت شخصيا ً بسماعها في حفل الكويـــت وهي جزله ما تجي الا من جزل مثلك محبكـ / ابو زيد الغييثي |
رد: (الدواسر) 1/1/1429هـ
اقتباس:
لاشكر على واجب وصح بدنك |
رد: (الدواسر) 1/1/1429هـ
اقتباس:
صح لسانك ووجهك ابيض يابو سعود |
رد: (الدواسر) 1/1/1429هـ
صح الله لساااااااااااااااانك
وبيض الله وجهــــــــــــك |
رد: (الدواسر) 1/1/1429هـ
وش صار قبل شهور في نشرتنا
...............وبموجز الاخبـار بـان إعلانـه تباشـرت كـل البـلاد بشوفـه ...............وكلـن يلـد لدارنـا بأعيـانـه واليوم ماله حس مالـه طـاري ...............تكفون ياهـل المجـد ياتيجانـه تكفـون لايفـرح علينـا حاسـد ...............تكفون ياهـل الحـق ياميزانـه الشاعر الفذ والأخ الغالي : نايف بن مسرع صح الله لسانك وبيض الله وجهك قصيدة جزلة وتحاكي المصلحة العامة بأسلوب لا يجيده سوى الكبار وممن يحملون هم الألفة والجمعة بغية العز والرفعة وهذا ماسوف يحصل بإذن الله شاعرنا القدير : يكفيك فخراً بأن ماتكتبه سيبقى يحمل شموخ شاعريتك الفذه فبارك الله فيك وجزاك عنا كل خير وكثّـر الله من أمثالك |
رد: (الدواسر) 1/1/1429هـ
صح الله لسانك وبيض الله وجهك على القصيدة الجزله
والجزل مايجي الا من رجال جزل مثلك يا ابو مسرع وعساك على القوة دايم الدوم |
رد: (الدواسر) 1/1/1429هـ
اقتباس:
شهادة أفتخر بها وأرفع بها راسي يابو زابن ووجهك أبيض وصح بدنك |
الساعة الآن 11:06 AM
 |
Powered by vBulletin® Copyright ©2000 - 2024, Jelsoft Enterprises Ltd.
---
