رد الشاعر مسعود بن سعد المقابله
السلام عليكم ورحمة الله وبركاته هذا رد الشاعر مسعود بن سعد المقابله على شايب المنتدى ابو حاجوووونه في قصيدته السابقه التي على الرابط التالي http://www.aldawasser.com/vb/showthread.php?t=6979 وهذي قصيدة الشاعر مسعود
يامرحبا والفٍ هلا حي ذالعين = باللي بيوته تعطي الشعر طاقه يصرف ذهبه أعيار واحد وعشرين = باسمه وعنوانه ورقم البطاقه غرّ البيوت اللي ثمرها رياحين = يطرح لها قلب المعنّا ارواقه وافرح الى جت من رجال عزيزين = لو انها تفتح على القلب طاقه تدخل الـ قلبي من عروق الشرايين = وتجيه من صوب الجهات الرقاقه تجيه من يم الوطن والمحبين = وكل ابلجٍ كسب الثناء من عماقه يابو سعد حنّا على الطيب باقين = مادام عزّامٍ على عظم ساقه ان لانة الرفقه من اشهور وسنين = اقطعك يارجلٍ احباله دقاقه وحنّا نغرّب في لزوم السلاطين = ومثلك يعذر اللي مدى البعد عاقه وسلم سلمت اول وبعدين ولحين = سلامٍ اتذوق العسل في مذاقه وسلامتكم |
لاهنت أخوي سعد المقابله
وصح الله لسان الشاعر الكبير / مسعود المقابله ولا هان الله منطوقه والله يرجعه بالسلامه والصيد الوفير وصح لسان ( شايب )المنتدى الشاعر الكبير أبو حاجونه |
صح الله لسانك
وبيض الله وجهك وترجع بالسلامه يا ابوسعد |
ولاهنت اخوي الواضح
وحياك الله |
صح الله لسان شاعر المنتدى مسعود بن سعد المقابله والله يرده سالم وغانم وبيض الله وجهك يابوعبدالله على ايراد القصيدة ولاهنت ولاهان شايبنا العزيز ابوحاجونه |
المراقب الغالي : سعد المقابله لاهنت ياأبو عبدالله على إيراد هذه القصيدة الجميلة التي ليست بغريبة على شاعرها فصح الله لسان الشاعر الكبير : مسعود بن سعد المقابله والله يرده سالم وغانم وصح لسان ( شايب )المنتدى الشاعر الكبير أبو حاجونه والحقيقه ماهي بغريبة عليهم الجزاله الشعريه فهم أهلاً لها عاطر الود والتقدير من محبك ومحب الجميع : دغش البطي |
الله يردك بالسلامه يا ابو سعد
والله لايهينكم الرد على هذه القصيده |
لاهنت ياراس الرجاجيل لاهنت
|
سعد المقابله
صح لساااااانك ولسااااان الشاعر الكبير مسعود المقابله على القصيده الرائعه ولا انسى ابو حاجوووونه لاتحرمنا من جديدك |
الله يعطيكم العافيه
ولاهنتوا |
سعد المقابله
صح لسانك ولسان الشعار الجزلين على القصائد الجزله.. |
الساعة الآن 02:59 PM
|
Powered by vBulletin® Copyright ©2000 - 2024, Jelsoft Enterprises Ltd.
---