قالت علامك جيت جالي ومنحاش=والاّ تحاول كيف تكسب ودادي
بنت ٍعلى (كثرالدلع) تبغي الكاش= تاخذ وتعطي ما تواطن حيادي
يابنت انا من لابةٍ ذكرها عاش= من دون ضربة حظ وفزعة قيادي
طرقي واخايل كل برقٍ له افلاش= يفض برّاقه سحابٍ رمادي
ينشي مناشيّه ويعدّي اخباش= ويصب هماله على خير وادي
عقبه يمر احمام ويعل ماناش= ويريّض ابريضان خطل الايادي
انا وليف المترفه رحبة الجاش= اللي احكاها خاثرن كالزبادي
اللي افقومتها كلافه ومطراش= واللي افجلستها امامٍ يهادي
ماتغلي الهافي ولاترخص الباش= مزاجها مخلوط عنبر وكادي
يانور عيني كيف تبغيني انساش= وانتي حياتي فيتي والبرادي
ماكنّي الا راهبٍ يوم يلقاش= وسط الكنيسه ردد اللحن شادي
لحّن قُداسه يوم هلّل بملفاش= ودقّت نواقيس الخطر في فؤادي
اعوذ بالله كان في قولي ارباش= ماغير وصف الحال غاية مرادي