صلى صالي صلب بصاليه صابني = صطى صارمه بصخار بالصدر صايبه
صفق واصطفق صلب صرم صافي الحشى = تقصى وقص اقصى قواصي ذوايبه
صروف القصى وصالت وصابت صبابتي = صدى صدري الصافي وصكت مصايبه
صليب الصخر لو صابه اللي مصيبني = تصفق صفاه وصب صلصال ذايبه
عصف عاصف واقصى وصور لقصتي = هصر غصن صب لاصق في نصايبه
لصق في نصايب صاحب صد واختفى = صباله بصلف صباه صارم نوايبه

نوٍ رهش لي موحش مرهش جش = هتاش عتاش ورشاش طشاش
ناشي من المنشا يشادي ليا ارهش = جيوش حبشي على الشرق نطّاش
شهلال شهلوله على القاع الى رش = شهلال شلف في النخاشيش هتّاش
رش مطش هايش شايش وش = جياش نوه بالقناطيش طواش
ينشر نواشيره على هشهشٍ نش = يغشاه من قشع الشخاتير غواش
يرهش ويربش يوم قش الشجر قش = قلب الشجاع اللي تنغمش تنغماش
كن راعده لاجهش شجاع تشوبش = قام ايتخطرش دون الاشهب تخطراش
يحيي هشيمٍ عقب شوف اربع كش = وينعش نشاش مشلهب عقب الانشاش
نو بشوش يوم جرش وبرش = يشفي بشوفه بوش بدوان اعطاش
طرش على عشب الشمال ايتجهش = قام ايتخطّش شوك شبكه تخطاش
شوف الشمطري والشجر منبته هش = شفي وشف امنشنش حالته ماش
والشف الاول شوف غرو تقروش = غرو هبشني هبش حب بمهباش
البارحة كني على ريش الاريش = من شان شيٍ بالحشا يجهش جهاش
همٍ حشا حشي يحش الحشا حش = حشة حشيش غطرشوا به على طاش
فيا شوع قلبي شوع طير على عش = اخذ فرخه وخرفش على العد خرفاش
فيا نشتي نشة خلوج تنشنش = شالوا ضناها وهي تشوفه ياعماش
لاشرقوها شرق شام تنقرش = قامت تشمشم من شذا الريح مهناش
هي شومها شومي على ناقل الغش = راع الجديل اللي تعكرش تعكراش
ابوثليل فوق متنه تعكرش = شملول شهلول برد وابله طاش
وابوخدود مرهشات هملّش = لا شال برقعهن تقل شعّة فلاش
ياما عليهنه شجاع تطربش = اصفى من الياقوت وابيض من الشاش
صدر من الشيراز كاسيه رشرش = نور من البلور كاسيه رشراش
ابوثمان ٍ كنها الطش والرش = هش هشاهيش تبهش تبهاش
كن ريقهن در البكار الحبشبش = ولا حليب ناشع فيه خشخاش
مزيون من شر العيون يتخشش = على مشفشف شفته جاني خراش
ياشبه خشف ذيروه المخرش = كنه يحوشه عن شبا الريع حواش
خشف عفيف الشان حرّك وتبلش = عوده ليا هب الشمال ارعش ارعاش
عليه لا جاء من يمين أتدروش = وعليه لا جاء من شمال ارهش رهاش
مانيب مربوش ولا نيب هشهش = ولا شارب غرشا ولا نيب حشاش
لا شك شوقي شق الاجياب واربش = واصبحت مربوش على كور مرباش
يالايمي في حبه اش ..اش ثم .. اش = لابو هشاش المرجلة لابو قطّاش

زواني مازوى زيد وزلبني زمان العز = وزند الزريد زندني نغزني لز منغازي
ترزز وأن لزى يلزي ولمنه قمز يهتز = زرب زومي على الملزوم وفاز بزنقتي فازي
زلالن لو تلزينه على الزينات مايعجز = يوازيهن على زين يزلزل زف وانجازي
رزان اوزان في كنزين إلا منه غمزبه خز = زوا بي قلب مزوي عن الزلات منحازي
زبادي لزى فوقه زمرد وأنتهز وأرتز = يكزكزني مزاريف على مغزاي بأعجازي
كنز كنز من التعجيز وكنز العجز لي ينكز = وأنا عاجز عن المزيون ليا منه عزم غازي
تزايد زل زفراتي حزامي فوق زوري لز = وزعجت الصوت من نغز تقل ناغوز مخرازي
تعزويت بعزاوي الزير ولافاد العزى وأملز = وتـعزويــت بزياز عز وكلن فز مافازي
زمان زل مازجيت زنادي في زمام الوز = ولا زايدت في رجمن وزبنه كلها بازي
ألوز من الوزى خزي وزام العز مايبتز = أوزي مابرد وزري وزاري زن بطنازي
زواج الجوز لو يجزي تزوج وأنتهز وأعتز = وخز وقز وزين زل زفاف بزوم تلفازي
زبون العوز لو ينقز فلا يجزي ولايطرز = ولو يجزم على بنز تنوز البنز مانازي
ولو حزر ولو فزر ولو طرز ولو خرز = ولو زمله يفوز بزين وزود الزين ممتازي
ولو يلزي على لزام يزرعله زوالي رز = فلا يرزق زلال إلى بأمر الرازق الجازي
عقب بـرزان من عزك عزوم ولك عزاي يندز = تزر زرار من عاز عن العوزات والعازي
توزلفله حزن منزات جزئها على موجز = جنايز زار تجـهز به على أز .. وعلى .. آزي

اراجعك بجيك وجيك فجوجه عوج = وجاك المنام وجفنى النوم به ما ساج
جريح جبيح جارع جغمة المسهوج = بوجهى وجاه الله وجهدك تجيب علاج
علاجى الا واجهت وجه جسده ينوج = كما نوج مجموع من الجالد الولياج
وحجاب جبينه والدجل مدلهم ينوج = غنج وادعج كنه سراج الله الوهاج
وجذبنى جمال لاجله الرجل جات تسوج = كما الجنه اللي لاجلها حجو الحجاج
ولجل ماجرى مجروح والجرح كيف يموج = تموج الجبال وجرحى اللي لجا ما ماج
اجاهد هواجيسي وجاهل عن المنتوج = وجوانب دروج الجوف مجعولةابواج
انا بناجى طيور الجو فى الجويوم تروج = عسى بجنحة الزاجلى للسجن منساج