سهيل ياحيه ويا حي طاريه
 

مساجله شعريه بين الشاعرين



يا ناشد من سهيل ما عاد شفناه
وابعتذر عسا العذر تقبلونه
ضعف النظر حتى القدم قصرت خطاه
وسهيل ظاهر و العرب يذكرونه


الشاعر سالم بن محمد بن هادي ال عمار

***************

سالم تعذر من سهيل ومبداه
وهو من اول واحد من ركونه

في كل عام يبشر الناس شفناه
واليوم قال إن الخلل في عيونه

عسا عيونك يالسنافي مجاراه
وعساك ماتلقا العنا و المهونه

فسهيل يا حيه و يا حي طرياه
القيض عنا مقفيات شطونه

خمسين يوم وعقبها الوسم يتلاه
بامر الولي يرسل علينا مزونه

عشرين ليل يسبج الارض من ماه
من حد عرعر لين تاصل حبونه

كل بداره مانزل ذاه مع ذاه
من فضل رب واحد يرتجونه

متخالط عشبه ويا زين مرعاه
وصوت ام سالم جرته في لحونه

احياضها من يوم حلو مجفاه
والكيس ما والله ابد يشترونه

قطعت طعام مابها اية مراواه
ماهوب قولة واحد يذكرونه

فعسا الحبيب اللي فوادي تمناه
عساه قرب نزولنا ينزلونه

ناصر بن مدعث