قصيدة مدح في أهل المدح 0000
السلام عليكم ورحمة الله وبركاته 0000
قصيدة للشاعر / دخيــــل بن سعـــــد الودعاني
يالله يامنشي حقوق المخايل = تسقي دياراً مبطيه في محلها دار ال زايد من اخيار القبايل = داراً عساها ماتبدل فهلها حامينها يوم الجهل والهوايل =بمصقلاتن والعدو ذاق اجلها فيهم بغني طيبات المثايل =بصوغ قيفانن تداحم نهلها خوال الملوك الطيبين الأصايل =وخوال الملك عبدالعزيز هو جملها ملك الجزيرة لاطمن كل مايل =راية جليل المُلك قام وحملها أرث ملوكن طيبين بدايل= ملوكن عسى الله مايطري بدلها ((ربعي وداعين)) عمى كل عايل =يوم الجهل والدين محدن جهلها يوم المغازي يكسبون النفايل =وديارهم بالغصب محدن نزلها افعالهم فالجار اكبر دلايل =جارن ومالجدران وقف اجلها ساقو لورعانه نياقن جلايل =وفلوس نقدن مايطرا مهلها والعاطفي من طيبات الفعايل =عطوه صفر الخيل تومي قذلها والثالثه ورعن ومنه زلايل = اذبحه ابوه وزلته ماقبلها وقصيرنا ماهو لضده يخايل =ناسم عصاه وراتعن مع هملها وخوينا قدره على راس طايل =نفس الخوي ماحن ندور زعلها وكرمان في وقت السنين المحايل = للضيف مثلوث الكرامه اكلها والسابعه لاخان راع الدغايل = قدناه قود الشاه فالي فعلها والثامنه ابل الخوال الحمايل =لمن عرفناها ترجع لهلها هذي افعول جدودنا من الاوايل =محدن وقبل جدودنا قد فعلها الله من كبدن عليها ملايل = زود على الكبد المفارق مللها ادير انا الافكار للعمر زايل =واثر البشر مغرور في طول املها هذا وصلو عد رمل المسايل =على النبي وامر بطيب عملها |
صح الله لسانك ولسان الشاعر
وبدايه موفقه ولاتحرمنا الله يخليك من جديدك طال عمرك وارحب ارحب في المنتدى |
بيض الله وجهك
وصح اللسان الشاعر |
دار آل زايد
دار ال زايد من اخيار القبايل= حامينها يوم الجهل والهوايل= مرحبا و مسهلا أخوي حمد فعلا ... قصيدة مدح في أهل المدح أخوك في الله العرابي |
بيض الله وجهك
وصح اللسان الشاعر تحياتي لك |
الأخ حمد دخيل الودعاني بيض الله وجهك يالقرم على هذه المشاركة الطيبه ويستاهلون المدح أهل المدح وصح الله لسان الشاعر : دخيــــل بن سعـــــد الودعاني تحياتي القلبية لك دغش البطي |
مشاركة: قصيدة مدح في أهل المدح 0000
حمد دخيل الودعاني صح السانك مليون والسان
الشاعر دخيل بن سعد الودعاني قصيده جزله من راس جزل وبيض الله وجهك |
الساعة الآن 12:17 AM
|
Powered by vBulletin® Copyright ©2000 - 2024, Jelsoft Enterprises Ltd.
---