::: مـنتدى قبيلـة الـدواسـر الـرسمي ::: - قصيدة الشاعر عبدالرحمن المقباس في مدح ابن حزام وابوسعد العجالين وابوفارس ال بريك وابن خرصان العجمي

قصيدة الشاعر عبدالرحمن بن محمد المقباس

في مدح الشيخ/عبدالعزيز بن حزام العجالين

والشيخ/محمد بن سعد العجالين

والشيخ/عامر بن حزام بن خرصان الشامري العجمي

والشيخ/ابو فارس آل بريك

يقول فيها

1)يامرحبا باللي لفونا من بعيد
واللي من الافلاج واللي جماعه

2)انتم لنا مثل المطر لانبت البيد
وانا لكم صدر ن رحيب اتساعه

3)مادام مضمون ألرساله لنا يفيد
حنا وما نملك رهن ياجماعه

4)حب التآخي يالقروم ألصناديد
هو غاية اللي قاسها باقتناعه

5)والرجل في الدنيا رصيده بتوكيد
لا من ذكر راعي ضيافه وطاعه

6)وابليس يسعى في دروب ألتناكيد
واعوانه يعدون دربه بتاعه

7)وابوحزام مجند ألطيب تجنيد
له ماقف ن كل العرب ما استطاعه

8)حاضر بما يملك ولوانه يبيد
مادام في درب الوفا والشفاعه

9)وجاهه مع اللي يستحق المعاضيد
حاضر وجاهز بالنقا والنصاعه

10)وابو سعد فكره ورايه مساديد
لاضاعت الاريا يجيك ببراعه

11)ماضي على كل الدروب المسانيد
مادامها درب ألعلوم الرفاعه

12)والشهم ابن خرصان نسل الاماجيد
اللي لهم ذكر ن لذيذ ن سماعه

13)طابوا مع اللي شيدوا العلم تشييد
مع طيبهم مع ربعهم والجماعه

14)وابوفارس ال بريك راع المصاميد
اللي له الصعبات تصبح طواعه

15)شفه ومقصوده يذب المحاميد
وعز الله انه ذبها باستطاعه

ونتمنى ان تنال إعجابكم

اخوكم/حفيد الأمراء