|
قصيدة نزال الشمري في مدح قبيله الدواسر
قصيده نزال الشمري في مدح قبيله الدواسر بعد ان زبن على حسن بن عبدالله بن وتيد آل عمار على اثر مشكله بين نزال وجماعته حيث بقي في جوار ابن وتيد مده تقارب ثلاث سنوات ونصف تقريبا وذلك في عام 1385
صدري توارد به هواجيس بارقام ورد الدلي عدٍ بشوبى السمومي عدٍ عليه البدو مضمين واحيام في كنه الجوزاء من القيض تومي نفسي تهقويني مع كل ضرغام ماليب احب اللي يحب الرخومي لاضاق صدري قلت ابشكي لضرغام اثري حسن فض ٍ لضده لطومي عقاب لاضف الجناحين لطام يصبح عدوه من لطومه يعومي في تابعه سو البلا لطمه شمام واللي ينوش بصايدة مايقومي له لابهٍ تنطح شبا الموت وكرام عاداتهم ذبح النعوس الردومي دواسرٍ لاركبو على الخيل حكام بمصقلٍ يقطع رقاب الخصومي من اقصى الجنوب وشرق والغرب والشام ضلعان كنهم نايفات الحزومي لاجا نهارٍ والقهر له ترزام مثل الرعد في مردفات الغيومي لاشلو البيرق غدو مثل الاروام مايسندون ام العنان الكضومي من يوم خلق آدم وحواء والاسلام وهم هل العادات واهل السلومي والطيب ماوالله تحصيه الاقلام ومقسمٍ بين القبايل قسومي إن كان ابن وتيد في صفنا قام فلا علينا من ردي العزومي ليث الليوث اللي يسيرون قدام اللي اعتلو بالمجد فوق النجومي بازٍ على ماقيل للجول هدام مشاهدة عندي يزيح الهمومي حرٍ ايلا عزم على الدرب جزام راعي الشياه اللي منعها بشومي قرناس غنوا صيدة اجلال واجسام صوايدة حمرٍ من اكل اللحومي ابو خضير اللي لموجه تلطام هداج تيما مبطي له رسومي |
رد: قصيدة نزال الشمري في مدح قبيله الدواسر
صح لسانك ولسان الشمري وابن وتيد وجماعته كُفو ويستاهلون ما قيل فيه لاهنت على النقل |
رد: قصيدة نزال الشمري في مدح قبيله الدواسر
ناصر البدراني ارحب تراحيب السيل ياقرم البدارين تسلم يمناك ولا عليكم زود والقصيده مدح في حسن بن وتيد والدواسر كاافه
وشرفني مرورك يا ابن العم |
الساعة الآن 07:29 PM
 |
Powered by vBulletin® Copyright ©2000 - 2024, Jelsoft Enterprises Ltd.
---